Намсина Евгенийин Илья

Рувики-с
Намсина Евгенийин Илья
Намсинов Илья Евгеньевич.jpg
Төрсн җил-өдрнь 1920 июнь сарин 15(1920-06-15)
Нас барсн җил-өдрнь 2010 декабрь сарин 28(2010-12-28) (90 лет)
Шаңнлнь
II зергин Төрскән Харсгч Аһу Ик дәәнә одн Орден Трудового Красного Знамени Орден Трудового Красного Знамени Улан Одна одн
Улсин Нәәрмдлин одн Медаль «За оборону Москвы» Медаль «За оборону Ленинграда»
Honored Cultural Worker of the RSFSR.jpg Почётная грамота Президиума Верховного Совета РСФСР
Гражданство

Намсина Евгенийин Илья (орс. Намсинов, Илья Евгеньевич; 1920 июнь сарин 15, Мечётинский район[d], Донской округ[d] — 2010 декабрь сарин 28, Элст) — хальмг номт, багш, партин, ниигмин болн Хальмгин орн-нутгин үүлдәч. РСФСР-ин сойлын Ачта көдләч (1968). РСФСР-ин Деед Хүүвин элчтн. Член Президиума Верховного Совета РСФСР-ин Деед Хүүвин Президиумин гешүн, Хальмг Таңһчин күндтә иргн.

Намтрнь

1920- гч җилин июнь сарин 15-д 1-гч Мөрнә әәрмин Цергә мөр өскдг заводын девскрт теңгин хальмг хазг Намсина Ильян Евгенийин өрк-бүлд төрсмн. 1935-гч җиләс авн мөр өскдг заводын кергүдин үүлдәчәр көдлсмн. 1936-гч җилд Ростовин тосхлһна техникумд орад, 1940-гч җилд төгсәһәд, Москван тосхлһна инженерн институтд сурһуль авсмн. Дарунь Төрскән харсгч Алдр дәәнд эврә дурар мордсмн. Москван олн әмтнә ополченин коммунистнрин 3-гч тойгта хаһачнрин дивизьд дәәлдҗ йовсмн. Москваг харссмн. Хөөннь дивизиг Ленинградск муҗур Северо-Западн фронтд орулсмн.

1944-гч җилд хальмг улсиг цүллһнд орулсна учрар цергәс буулһад Алтайск крайд йовулҗ. Тенд Троицкое селәнә дундын школд 1954-гч җил күртл директор болҗ көдлҗ. Цүллһнд бәәсн цагтан Бийскин багшнрин институт эчнән төгсәҗ. 1954-гч җилд Новосибирск балһсна № 105-гч тойгта дундын школ-интернатын директор.[1]. 1955-гч җиләс авн 1958-гч җил күртл Новосибирскин багшнрин институтд сурсмн.

1960-гч җилд Хальмг АССР шинәс босхгдсн цагт хәрҗ ирәд, 1962-гч җил күртл барлһна сектор һардҗ йовсмн. 1962-гч җиләс авн 1964-гч җил күртл КПСС-ин Хальмг обкомин пропагандын әңг ахлачин дарук бәәҗ. 1964-гч җиләс авн 1965-гч җил күртл Хальмг АССР-ин министрмүдин советин барлһна заллтыг ахлсмн. 1967-гч җилд «Хальмг үнн» газетын ах нәәрүлгч болсмн. 1967-гч җиләс авн 1974-гч җил күртл КПСС-ин Хальмг обкомин сегләтрәр көдлсмн. 1972-гч җилд тууҗин номин кандидатин диссертациг харссмн. 1974-гч җиләс авн 1984-гч җил күртл Хальмг АССР-ин Деед Хүүвин Президиумин толһач бәәсмн. 1984-гч җиләс авн 1993-гч җил күртл Әрәсән номин Академин Хальмг номин шинҗллтин институтин ниигмин сектор ахлсмн.

Олн дәкҗ Хальмг АССР-ин Деед Хүүвин элчтн болсмн, хойр дәкҗ РСФСР-ин Деед Хүүвин элчтн болсмн. РСФСР-ин Деед Хүүвин Президиумин толһачин дарук бәәсмн болн РСФСР-ин Деед Хүүвин Президиумин гешүн бәәсмн.

2010-гч җилин декабрь сарин 28-д Элстд сәәһән хәәсмн[2].

Өрк-бүлнь

Авальнь — Елизавета Мусова, школын багш. Һурвн үртә[3].

Үүдәврмүд

100 шаху номин нәәрүллһс бичсмн.

  • «Эстетическое воспитание в школе» (1961);
  • «Убеждать, пропагандировать, организовывать» (1971);
  • «Культура советской Калмыкии» (1972);
  • «Социалистический образ жизни и перестройка: на материалах Калмыцкой АССР» (1989).

Ачлврмуднь

  • Төрскән харсгч Алдр дәәнә II зергин Одн;
  • Күч-көлснә Улан тугин Одн (хойр дәкҗ);
  • Улан Одна одн;
  • Келн-улсин нәәрмдлин одн (13.06.1980)[4];
  • Һавьян Одн Орден Почёта (2005);
  • «Итклин, тааллын болн Төрскнә» одн Орден «За веру, волю и Отечество»;
  • «Москваг харссн төләд» медаль;
  • «Ленинградыг харссн төләд» медаль;
  • Әрәсән Федерацин сойлын Ачта көдләч Заслуженный работник культуры Российской Федерации;
  • Хальмг Таңһчин күндтә иргн Почётный гражданин республики Калмыкии (2005).

Темдглл

  1. ↑ ЗОВ РОДНОЙ СТЕПИ, Алтайские новости (18 мая 2006). Архивировано 14 Така сарин 2014 года. Дата обращения: 7 июля 2014.
  2. ↑ Защитник Отечества и созидатель. Дата обращения: 16 март сарин 2026.
  3. ↑ Татьяна Михайлова. О жизни видного деятеля Калмыкии Ильи Евгеньевича Намсинова: он целиком и полностью разделил судьбу калмыцкого народа (рус.). riakalm.ru. Дата обращения: 16 март сарин 2026.
  4. ↑ Указ Президиума Верховного Совета СССР от 13 июня 1980 года № 2277—Х «О награждении тов. Намсинова И. Е. орденом Дружбы народов» // «Ведомости Верховного Совета Союза Советских Социалистических Республик». — № 25 (2047) от 18 июня 1980 года. — Ст.488.

Холвас

"https://xal.ruwiki.ru/w/index.php?title=Намсина_Евгенийин_Илья&oldid=315359" халхас авсн