Хомутников Василий Алексеевич

Рувики-с
Василий Алексеевич Хомутников
Хомутников.jpg
Төрсн җил өдрнь 1891 декабрь сарин 4(1891-12-04)
Төрсн һазрнь
Нас барсн җил өдрнь 1945 февраль сарин 4(1945-02-04) (53 года)
Нас барсн һазрнь
Холвгддгнь  Орсин хаата орн,
 СССР
Цергин салврнь йовһн церг
Церглсн җилмүднь 1913—1945
Цолнь
Полковник
Дәәлснь/дәнь Негдгч делкән дән,
Иргнә дән,
Төрскән харсгч Алдр дән
Шаңнлнь
Орден Красного Знамени Орден Красного Знамени Орден Богдана Хмельницкого II степени Орден Отечественной войны I степени
Улан Одна одн Медаль «За оборону Москвы» Медаль «За взятие Будапешта»

Васи́лий Алексе́евич Хому́тников, Моңһлд нууц нерн: Санжи́ Иште́рович Кике́ев[1] (1891 декабрь сарин 4, Теңгин Цергин муҗ[d] — 1945 февраль сарин 4, Будапешт[d]) — Күч-көлсчнрин Улан цергин полковник, Негдгч делкән дәәнә, Иргнә дәәнә, Төрскән харсгч Алдр дәәнә орлцач, дәәнә туршулч, Төвд нутгур йовсн советскин түрүн нуувчин экспедицин толһач.

Намтрнь

Теңгин хазгудын хальмг күн[1]. 1891-гч җилин октябрь сард Теңгин Цергин Денисовская станицд төрсмн. 1913-гч җилд хаана цергт мордсмн. Негдгч делкән дәәнд орсмн. 1917-гч җилин Февральск революцин хөөн Теңгин хазгудын 2-гч полкин комитетын элчтнд суңһгдсмн. Улан гвардийин дотр Октябрьскин революцд орад, Үвлин өргән күчтә дәврлтд орлцсмн[2]

Иргнә дәәнә цагт Хомутников хазгудын көлсчнрин зөвиг харслтын революцин багиг ахлсмн. Дарунь мөрчнрин полкин командир болсмн. Царицынын харсҗ йовсмн, Теңгин болн Ар Кавказин фронтсин бәрлдәст орлцсмн, Хол Дорд үзгт фон Унгерна  (рус.) (хал., Роман Фёдорович болн Семёновин  (рус.) (хал. дәәнә әңгсд дәәлдҗ йовсмн, Моңһлын олна революцд орад тенд советин йосиг тогталһна кергин шунмһач[2]. Республикин Революцин Дәәнә Хүүвин шиидврәр 1921-гч җилд РСФСР-ин Улан тугин одар ачлгдсмн.

Улан цергин школын дивизиона командир (сентябрь 1922 — май 1923),  Моңһлын 1-гч полкин командир (май 1923 — сентябрь 1924). Советскин дәәнә селвгч, Моңһлын нутгт көдлҗ йовсн туршулч. 1922—1924-гч җилмүдт туршулын даалһврар Китдин, Төвдин, Эндкгин нутгудар кесг дәкҗ йовсмн[3].

Иргнә дән төгсснә хөөн Хомутников цергт үлдәд көдлсмн. 1925-гч җилд мөрчнрин командирмудын сурһуль төгсәсмн. 1930-гч җиләс авн Хальмг автономн муҗин военкомин цол зүүҗ йовсмн. 1933-гч җилд цергәсн һарад Хальмг муҗин күцәгч комитетыг ахлсмн. ВКП(б)-н XVII чуулһна төләлгчәр суңһгдсмн, СССР-ин Деед Хүүвин 1-гч дуудврин элчтн бәәсмн,  Хальмг АССР-ин Деед Хүүвин Президиумин толһач бәәсмн[2]. 1935-гч җилин ноябрь сарас авн 1938-гч җилин июль сар күртл — Хальмг АССР-ин Цутхлң Суңһврин комитетын ахлач[4]. Репрессьд тусад дарунь цеврлгдсмн[3].

Москван Новодевичьин оршаврт Хомутниковин колумбарийн үкәрин чолун

Төрскән харсгч Алдр дәәнә эклцд цергт мордад 110-гч мөрчнрин дивизин командирин дарук болсмн. 1942-гч җилин май сард Теңгин көвәһәр дәәлдҗ йовсмн. 1942-гч җилин август сарас авн дивизиг ахлсмн, Кавказин харслтд орсмн (1942—1943). 1943-гч җилин февраль сарас авн полковник Хомутников 180-гч хаһачнрин дивизин командирин дарук болҗ йовсмн[3]. 1945-гч җилин февраль сарин 4-д Венгрин Будапешт балһснд әмнәсн хаһцсмн. Москван Новодевичьин колумбарийт оршалһата[4].

Төвдин экспедиц (1921–1922)

Төвдин нутгур экспедициг йовулх төриг РСФСР-ин һазадын ордудын Олна комиссариатд 1920-гч җилин намрар хаһлгдсмн. Селвлцәнд моңһлын революционермуд Х. Чойбалсан, Д. Сухэ-Батор, бурядын номтнр А. Доржиев, Э.-Д. Ринчино болн хальмгин үүлдәч А. Амур-Санан. Экспедицин һол даалһвр – Төвдин болн РСФСР-ин хоорнд хәрлцә тогтаһад, Төвд нутгин туск өргн зәңгллһ белдәд, дарунь күүндвр тогтахин төлә белдвр кех. Кергүдиг зуралһнд Дорд үзгин  шинҗләч Ф. И. Щербатская орлцсмн[5].

Экспедициг В. А. Хомутников толһалсмн (нувц нернь Көкән Санҗ). Энүнә багд зурһан хальмг улс болн буряд лам Д. Ямпилов орсмн. Экспедицд 6200 арслң цаһан мөңгәр, белгүд кех 200 аршин хорһа кенчр, дөрвн винтовкс-карабин болн бийән харсхин төлә Шошин бу йилһҗ өгсмн[5].

1921-гч җилин сентябрь сарин 13-д  экспедицин 8 күн 12 темәһәр Ургаһас (ода Улан-Батр) һарад йовсмн[6][5]. Бурхна шаҗна даянчсин бәәдлд орад, Төвдүр йовҗ йовсн Гегән-лам һардҗ йовсн җиң дахад йовсмн[6]. Хаалһдан Д. Ямпилов өңгрәд, экспедициг Хомутников һардсмн[7].

Төвдин Нагчу меҗәд экспедициг бәәрн цергин патруль зогсаҗ. Хомутников  теднд Дорҗин Агванас йовхан зәңглхлә (нертә бурядын лам, Дала-ламын дөңгнч), төвдин салдснр тедниг балһснур орх зөв өгсн бәәҗ[7].

1922-гч җилин апрель сарин 9-д, долан дундур сар давад, экспедиц Лхасд орв[5][6]. Хомутников XIII-гч Дала-ламла харһад, советскин правительствас белгүд өгәд, төвдин министрмудта харһҗ күүндсмн. Хамгин түрүнд төвдин министрмудт советин йосна туск цәәлһвр өгх керг бәәсмн – бурхна шаҗна туск, гиҗ темдглгдҗәнә: төвдин киидт советин йосиг тарах чинртә ном давулдг бәәҗ. Советин йосн 1920-гч җилмүдт бурхна номиг һәәлдго, гиҗ Хомутников Дала-ламд келәд, тиим ном умшдган уурсн бәәҗ[7].

Хәрү хаалһдан Хомутников Эндкгин нутг дәврәд йовад, Калькуттаһур одна. Тенд Бирман нег ик киидт әвртә бәрц бәрҗ, гисн зәңг бәәнә. Дарунь Шанхай болн Пекин дәврәд Урга балһснд ирсмн. Экспедицин ашар Хомутников тодрха тооца тогтасмн, терүнд иим төрмүд йилһҗ: «Дала-лам болн терүнә санан», «Унгерна делегац Төвдд», «Төвдин әәрм» болн нань чигн. Тер экспедицин бичг бәрмтсин кесгнь ода чигн нуувчинд бәәнә[7].

Хамгин һол төр – Советскин Нутг Төвдин Нутг хоорнд дипломатическ хәрлцә тогтах керг күцсмн[6]. Әмтн әрвллго, сән аштаһар туршулын болн дипломатическ нәрн даалһвр күцәсн төләд В. А. Хомутников 1925-гч җилин январь сарин 2-д Улан тугин хойрдгч Одар ачлгдсмн[6][3].

Ачлврмуднь

  • Улан Тугин Одн РСФСР (1921) — Иргнә дәәнд орлцсн төләд[3]
  • Улан Тугин Одн СССР (2.01.1925) — Төвдин экспедицин даалһвр күцәсн төләд[6][3]
  • II зергин Төрскән Харсгч Аһу Ик дәәнә Одн
  • I зергин Төрскән Харсгч Аһу Ик дәәнә Одн
  • Улан Одна Одн
  • Медаль «Москваг харссн төләд»
  • Медаль «Будапештыг сулдхсн төләд»
  • Талдан медальмуд[3]

Өрк-бүлнь

Көвүднь:

  • Пётр Васильевич Хомутников (1916–1973) — Төрскән харсгч Алдр дәәнә орлцач[5].
  • Владимир Васильевич Хомутников (1924–1945) — авиацд цергләд, 1945-гч җилин август сарин 5-д Японин дәәнә Дорд үзгин фронтд әмнәсн хаһцсмн[5].

Дурсхл

Хомутниковин нериг Хальмг Таңһчин Хомутников селән болн Элст балһсна һудмҗ зүүнә[4].

Темдглл

  1. ↑ 1 2 Хомутников Василий Алексеевич. Хронос. Дата обращения: 24 Лу сарин 2026.
  2. ↑ 1 2 3 Хомутников Василий Алексеевич. pamyat-naroda.ru. Дата обращения: 23 Лу сарин 2026.
  3. ↑ 1 2 3 4 5 6 7 Хомутников Василий Алексеевич // Великая Отечественная: Комдивы. Военный биографический словарь. — М.: Кучково поле, 2011. — Т. 1. — С. 310—312.
  4. ↑ 1 2 3 Хомутников Василий Алексеевич (1891-1945 г.г.). Общественная палата Республики Калмыкия. Дата обращения: 1 март сарин 2024.
  5. ↑ 1 2 3 4 5 6 Секретная экспедиция Советской России в Тибет 1921-1922 годы. Хальмг унн (11 Ноха сарин 2022). Дата обращения: 9 март сарин 2026.
  6. ↑ 1 2 3 4 5 6 Убушаев В. Б., Надбитов М. В. Спецкомандировка героя гражданской войны в России Василия Хомутникова в Тибет к Далай-Ламе XIII // Историческая и социально-образовательная мысль. — 2015. — Т. 7, № 6-2. — С. 122—125.
  7. ↑ 1 2 3 4 Mergen Ulanov, Vasiliy Khomutnikov's Expedition to Tibet. University of Cambridge, Kalmyk Cultural Heritage Documentation Project (2018). Дата обращения: 9 март сарин 2026.

Утх-зокъял

  • Бембеев В. Ш. Человек из легенды: ист. очерк. — М.; Элиста: Науч.-изд. центр «Контекст», 1991.
  • В. А. Хомутников: жизнь и деятельность. — Элиста: АУ РК «РИА «Калмыкия», 2018.
  • Великая Отечественная. Комдивы [Текст] : военный биографический словарь : в 5 т. / Д. А. Цапаев (рук.) и др. ; под общ. ред. В. П. Горемыкина. — М. : Кучково поле, 2011. — Т. 1. — С. 310—312. — 736 с. — 200 экз. — ISBN 978-5-9950-0189-8.
  • Дякиева Б. Б. Жизнь и судьбы видных деятелей Калмыкии в период гражданской войны: Хомутников Василий Алексеевич // Гражданская война в регионах России: социально-экономические, военно-политические и гуманитарные аспекты : сборник статей, Ижевск, 25—26 октября 2018 года / Удмуртский институт истории, языка и литературы УдмФИЦ УрО РАН; Удмуртский государственный университет. — Ижевск: АлкиД, 2018. — С. 273—280.
  • Календарь знаменательных и памятных дат на 2016 год / М-во культуры и туризма РК, Национальная библиотека им. А. М. Амур-Санана; сост. В. В. Сангаджиева; ред. О. Е. Аргунова; отв. за изд. Н. Б. Уластаева. — Элиста, 2015. — С. 27.
  • Надбитов М. В. В. А. Хомутников — руководитель народно-хозяйственного строительства в Калмыкии // Вестник Калмыцкого университета. — 2020. — № 4(48). — С. 23—29.
  • Надбитов М. В. В. А. Хомутников — военный комиссар и председатель Верховных органов Советов депутатов трудящихся калмыцкой АССР // Вестник Калмыцкого университета. — 2016. — № 2(30). — С. 32—40.
  • Надбитов М. В. Деятельность В. А. Хомутникова на фронтах гражданской войны на Юге России // Гуманитарные, социально-экономические и общественные науки. — 2015. — № 6-1. — С. 252—254.
  • Надбитов М. В. 110-я отдельная калмыцкая кавалерийская дивизия во главе с полковником В. А. Хомутниковым в защите донских рубежей // Вестник Российского нового университета. Серия: Человек и общество. — 2015. — № 6. — С. 62—65.
  • Надбитов М. В., Убушаев В. Б. В. А. Хомутников — видный военный и государственный деятель Калмыкии (1921—1941 гг.) // Вестник Калмыцкого университета. — 2014. — № 4(24). — С. 20—24.
  • Синицын Ф. Л. Политическое положение в Тибете в 1920-е годы (по материалам советских экспедиций) // Страны и народы Востока. — 2014. — № XXXV. — С. 323—336.
  • Хомутников Х. П. Жизнь и судьбы в годы репрессий. — Элиста: АПП «Джангар», 2013.
  • Хомутников Х. П. Они воевали за Отечество. — Элиста: Джангар, 2016.
  • Хомутников Х. П. Сквозь огонь и время…: историко-документальное повествование. — Элиста: АУ РК «РИА «Калмыкия», 2021.
  • Убушаев Е. Н. Хомутников В. А. как представитель калмыцкой политической элиты, в Великой Отечественной войне // Вклад регионов Юга России в победу Великой Отечественной войне 1941—1945 гг. : Материалы Российской научно-практической конференции, Элиста, 20—22 апреля 2010 года. — Элиста: Калмыцкий государственный университет, 2010. — С. 121—122.
  • Убушаев В. Б., Надбитов М. В. Спецкомандировка героя гражданской войны в России Василия Хомутникова в Тибет к Далай-Ламе XIII // Историческая и социально-образовательная мысль. — 2015. — Т. 7. — № 6-2. — С. 122—125.
"https://xal.ruwiki.ru/w/index.php?title=Хомутников_Василий_Алексеевич&oldid=311824" халхас авсн