Манҗин Чүдитнә Эрднь

Рувики-с
В Рувики есть статьи о других людях с фамилией Манҗин.
Манҗин Чүдитнә Эрднь
Манджиев Эрдни Чудитович.jpg
Хальмг АССР-ин Министрмудин Хүүвин толһач
1967 — 1974
Урднь цол даасн күн Бембинов, Григорий Бадмаевич
Хөөннь цол даасн күн Бадмахалгаев, Лаг Цаганманджиевич
Төрсн җил-өдрнь 1922 июнь сарин 12(1922-06-12)[2]
Нас барсн җил-өдрнь 1974
Гергнь Җимбин Бориса Зинаида (1927—1985)
Күүкднь Алина күүкнь (1964—2008)
Намнь КПСС
Сурһульнь Хальмг багшнрин техникум (Әәдрхн)
Шаңнлнь Орден Трудового Красного Знамени — 27.08.1971[1] Улан Одна одн «Күндтә Темдг» одн
Военная служба
Цолнь лейтенант
Дәәлснь
Гражданство

Манҗин Чүдитнә Эрднь (орс. Эрдни́ Чуди́тович Манджи́ев; 1922 июнь сарин 12, Кануково[d], Хальмг Автономн Советск Социалистическ Республик — 1974) — советскин орн-нутгин болн партин үүлдәч, Хальмг АССР-ин Министрмудин Хүүвин толһач (1967—1974), СССР-ин Деед Хүүвин VIII-гч дуудврин элчтн (1970—1974).

Намтр

Эртинк җилмүднь

Әәдрхнә губернин Лаганин улусин Кануково селәнд деед баһуд тохмд, заһсч Манҗин Чүдтнә өрк-бүлд 1922-гч җилин июнь сарин 12-д төрсмн[3]. Хальмг күн. Әәдрхнд Хальмг багшнрин техникумд сурсмн[4].

Төрскән харсгч Алдр дәәнд орлцлһн

Дән эклсн цагт цергт мордад Новочеркасскин артиллерийск училищд орсмн. 1942-гч җилд лейтенантын цолд фронтд йовулсмн, взвода 110-гч Хальмг салу мөрчнрин дивизин взводын командир бәәсмн. Теңгин болн Ар Кавказин харслтын  (рус.) (хал. бәрлдәсд, тер дунд Ногайин теегин дорд үзгиг сулдхлһнд орлцсмн.

1942-гч җилин сентябрь сарин 28-д — 133-гч мөрчнрин полкин танксас харслһна зевсгүдин взводын командир (4-гч Кубанскин гвардейск мөрчнрин корпус, Ар-Кавказин фронт). Хөөннь 10-гч мөрчнрин дивизин 36-гч мөрчнрин полкиг толһалсмн. 1943-гч җилд түрүн болҗ шавтсмн.

Эдгснә хөөн 3-гч гвардейскин мөрчнрин дивизин 9-гч гвардейскин мөрчнрин полкин взводын командир. 1944-гч җилин январь сард Белорусин девскрт  (рус.) (хал. дәәлдҗ йовад күнд шав авсмн[4].

Цүллһнд

Госпиталяс һарчкад (Ташкентд эмнлһнд бәәсмн) хальмг улсиг цүллһнд орулсна зәңг авсн бәәҗ. Тер саамд энүг Ташкентд пулемётн училищд взводын командирар үлдәҗ. 1946-гч җилд училищиг хаасна дару онц нүүлһәчин тоод орад, цергәс һарсмн. Фрунзе балһснд бәәһәд (ода — Бишкек), зоотехникар көдлсмн, Ошин муҗин мөр өсклһнә эдл-ахун заллтын ахлгч зоотехник бәәсмн. 1956-гч җилд «Һавьян темдгәр» ачлгдсмн[5].

Хальмгт хәрҗ ирәд көдлсн цаг

1957-гч җилд Хальмгт хәрҗ ирәд партин обкомд көдлсмн. 1960-гч җилд Яшкулин КПСС-ин райкомин негдгч сегләтрәр суңһгдсмн. 1962-гч җилд КПСС-ин обкомин эдл-ахун әңгин ахлачар залгдсмн. 1964-гч җилд Таңһчин эдл-ахун министр болсмн. 1967-гч җилд Хальмг АССР-ин Министрмудин Хүүвин толһачар суңһгдсмн. 1970-гч җилд — СССР-ин Деед Хүүвин VIII-гч дуудврин элчтн[5].

1974-гч җилд 52 настадан сәәһән хәәсмн.

Өрк-бүл

  • Авальнь — Җимбин Бориса Зинаида, багш (1927—1985). 1964-гч җилд декабрь сарла года Алина күүкнь төрсмн (1964—2008).
  • Ачнь (ахиннь көвүн) — Чудитнә Алексей[4].

Ачлврмуднь

  • Күч-көлснә Улан Тугин Одн (1971-гч җилин август сарин 27);
  • Улан Одна одн[3];
  • «Һавьян темдг» (1956)[5];
  • «Ар Кавказиг харссн төләд» медаль[3];
  • «1941—1945 җилмүдт Төрскән харсгч Алдр дәәнд диилвр бәрсн төләд» медаль[3].

Дурсхл

Элстд, Театрин һудмҗин 3-гч гер деер мемориальн самбрт бичәтә: «Эн герт Манҗин Чүдитнә Эрднь бәәршлҗ бәәсмн, Төрскән харсгч Алдр дәәнә орлцач, Хальмг АССР-ин Министрмудин Хүүвин толһач (1967—1974 җҗ.), СССР-ин Деед Хүүвин элчтн»[6].

Темдглл

  1. ↑ ГА РФ Р7523 105 152 «Указы Президиума Верховного Совета СССР, принятые с 26 по 27 августа 1971 года, и материалы к ним /к протоколу № 14/ с № 2075-VIII  по № 2078-VIII. Том 7»
  2. ↑ Дорога памяти // https://1418museum.ru/heroes/70088021/
  3. ↑ 1 2 3 4 Манджиев Эрдни Чудитович. 1418museum.ru. Галерея памяти. Дата обращения: 17 Хөн сарин 2026.
  4. ↑ 1 2 3 Гермашева, Юлия Солдат Победы. halmgynn.ru (12 Хөн сарин 2022). Дата обращения: 17 Хөн сарин 2026.
  5. ↑ 1 2 3 Годаев, Павел Один из калмыцких «трёх богатырей». argumentyrk.ru (2013). Дата обращения: 17 Хөн сарин 2026. Архивировано 19 Хөн сарин 2014 года.
  6. ↑ Солдат Победы. halmgynn.ru (12 Хөн сарин 2022). Дата обращения: 17 Хөн сарин 2026.

Холвас

"https://xal.ruwiki.ru/w/index.php?title=Манҗин_Чүдитнә_Эрднь&oldid=320122" халхас авсн