Городовиков, Ока Иванович

Рувики-с
Ока Иванович Городовиков
Хар Дааһна Ааку
Ока Иванович Городовиков.jpg
Төрсн җил өдрнь 19 сентябрь сарин (1 октябрь сарин) 1879(1879-10-01)
Төрсн һазрнь Чиигтә Элмтә,
станица Платовск,
Сальскин дүүрг,
Теңгин Цергин бүс,
Орс хаата улс
(өдгә цагт Пролетарск район (Ростов муҗ), Ростов муҗ, Әрәсә)
Нас барсн җил өдрнь 26 ноябрь сарин 1960(1960-11-26) (81 наслсмн)
Нас барсн һазрнь Москва балһсн, РСФСР, ЗХУ
Холвгддгнь  Орсин хаата орн
 РСФСР
 СССР
Цергин салврнь мөртә церг
Церглсн җилмүднь Россияныҥ маанызы 1903—1907, 1915—1917
Зөвллт Холвана Улс 1917—1947
Цолнь
Генерал-полковник Красной Армии
Командовал 2-гч Мөртә церг
Дәәлснь/дәнь Делкән негдгч дән,
Әрәсән иргнә дән,
Төрскән Харсгч Алдр Дән
Шаңнлнь

Иностранные награды

Болмҗснь инрл-лейтенант Городовиков Б.Б-һин авһ.
Логотип РУВИКИ.Медиа Медиафайлы на РУВИКИ.Медиа

Ока Иванович Городовиков (хальмг келәр Хар Дааһна Ааку; 1879 җилин сентябрь сарин 19 октябрь сарин 1, Чиигтә Элмтә күүтр, Теңгин цергин бүс — 1960 җилин ноябрь сарин 26, Москва балһсн) — Зөвллтин цергий удрдач, бухг инрл (1940). ЗХУ-ин баатр (1958). Әрәсән иргнә дәәнә үйд 2-гч Мөртә цергин удрдач (1920). Барун Двина һолын эрглтин үйд хамһаллтыг зокан бәәһүлх, мөрн цергин әңгүдиг бәәһүллх көдлмшиг ахлҗ, Төрскән Харсгч Алдр Дән|Төрскән Харсгч Алдр Дәәнә цагт мөрн цергин әңгүдин Деед һардврин штабин төләлгч болҗ цергсәрн алдрта.

Намтрнь

Тең һол|Теңгин Чииктә Элмтә күүтрт яду бузав (хальмг хазг) гер бүлд төрсн бәәҗ. Аавнь байн күүнә адуч болҗ заргдад йовҗ. Ааку бийинь 8 настаһасн авн байна хө хәрүлҗ, 6 ах эгчиг теҗәхд эцк-экдә туслҗ бәәҗ.

1903 җилд Әрәсән эзн хаана церг мордв. Тенд Инрл-адъютант зәәсң Орлов-Денисовин Теңгин хазгудын 9-гч полкин белдврин багт белдвр сурһуль сурад, баһ түрүч цолта болҗ терүг төгсәв. Хөөннь Люблин муҗин Янов балһснд бәәршлдг иҗл полкд церглв. Тенд маш сән мөрч болҗ, хурдн мөрнә урлданд түрүлсәр олн шаңнлд күртәд бәәв. 1907 җилд Аакуг ах түрүч болһҗ, нөөцд йовулв[1].

Цергәсн бууҗ, төрскн нутгтан хәрҗ ирәд, Платовская, Торговая станицмудт бәәҗ, үзсклң хулдд хулдач болҗ, хүвин хамһаллтын отрядт мөтрн, Супрунов гдиг байн күүнә мөрнә хаша ясврт, поштын җолач болҗ көдләд бәәв. 1910 җиләс авн баһ наста хазгудыг алвнд сурһх ләәгрт заалһач болҗ бәәв. Иргнә дәәнә өмн зөвкн үгин үйиг умшҗ, овг нерән әрә бичҗ чаддг бәәсн гиҗ эврән келдг бәәҗ[2].

1915 җилин декабрь сард Аакуг дәкн цергт татв. Насарн баһ биш күн 3-гч зергллин 43-гч Теңгин хазгин полкин взводын ахлач болв. Делкән I-гч дәәнә орлцач болв чигн, 1916 җилд насн, өвчн-гемәс көлтә терүг 39-гч Тең тусха хазг зуунд илгәгдәд, Сулин балһсна төмр цутхх үүлдврин аюл уга бәәдлиг хаңһҗ, ар үзгт харулын үүрг күцәҗ бәәв. Февраль сарин хүвсхлин дару Ааку Платовск станицд хәрҗ ирәд, Зөвллин гешүн болҗ, Улан харулын Хальмгин хаһс эскадрон бәәһүлв. Октябрин хүвсхлин дару Ааку хазг цергин төләлгчнрин ик хургт суңһгдв[1].

Әрәсән иргнә дәәнә цагт Городовиков улан цергин талд дәәлҗ бәәв. 1917 җилин ноябрь сард Платовин партизанмудын отрядын Хальмгин хаһс эскадрона ахлач, удл уга тус отрядын ахлач болҗ. 1918 җилин февраль сард Теңгин цергин җигсәлин одмн, инрл П.Х. Поповын эсрг дәәлснд хаһс эскадрон диилгдҗ, Городовиковиг бәрәд авч, цааҗар авад, хаһад алхар шиидв. Зуг, тер сөөднь зулад, хаһс эскадрона үлдснәс мөрн таңнулын взводыг хураҗ, ахлачнь болад бәәв. 1918 җилин апрель сарас авн — Борис Думенко, Семён Будённый хойрин отрядмудт болн полкмудт эскадрона ахлач болҗ дәәлв. 1918 җилин октябрь сарас авн — 1-р мөртә бригадын 20-р мөртә полкин ахлачин туслач, 1918 җилин ноябрь сарас авн — тусха мөртә бригадын ахлачин туслач, 1918 җилин декабрь сарас тер бригадын ахлач. Эврә мөртә хазгудла хамдан П.Н. Краснов, А.И. Деникинә церглә дәәлҗ, Аһш балһсиг харсх цагт сәәнәр дәәлҗ кетрәд һарв[3]. 1919 җилин февраль сард Ааку 4-гч мөртә дивизин 19-гч мөрн цергин полкин ахлач, 1919 җилин июль сарас авн 1920 җилин апрель сар күртл 4-гч мөртә дивизин ахлач болҗ бәәв. Эн цол авч, Ааку Деникинә церглә дәәлҗ (онц темдглхд Ростов-Новочеркасскин операцд, дивизнь чадврлг манёвр кеснә ашгт цаһан церг сананд уга кевәр Ростов-на-Донуһур дәврх цагт) йилһрҗ, барун фронт деер Польшин церглә дәәләд бәәв. 1920 җилин июль сарас авн сентябрь сар күртл Городовиков Хөөт Таврияд генерал П.Н.Врангелин церглә дәәлҗ бәәсн 2-гч мөртә цергиг ахлад орв[4][5]. Хөөт Таврийд болсн операцин цагт деерәс буулһсн кедүхн даалһвриг күцәһәд уга болснднь, цергтән ик кемҗәнә дуту учрулсна төлә 1920 җилин сентябрь сарин 6-нд цергин ахлчин цолан алдҗ одв. 1920 җилин октябрь сарас авн Городовиков 1-гч мөртә цергин бүрдлд багтчах 6-гч мөртә дивизиг ахлҗ, Перекоп-Чонгарын операц болн Махноһин отрядмудла Врангелиг диилхд онцха үүрг күцәв[6]. Делкән негдгч дән болн иргнә дәәнә үйд Ааку Городовиков дөрвн дәкҗ шавтҗ, нег дәкҗ күнд шавтсн бәәҗ[7]. 1919 җилд эннь (Б)ОКН-д орв.

Иргнә дән дууссна дару Городовиков Хөөт Кавказин цергин төөргт 6-гч мөртә дивизиг ахлҗ, деермчнр болн генерал М.А.Пржевальскин «Ховңгин босгчдын церг»-лә темцҗ бәәв. 1923 җилд эннь Москвад деед эрдмин курс төгсәҗ, дивизьтәһән Гомель балһснд йовулгдад, тенд церглҗ бәәв. 1925 җилин май сарас авн Хөөт Кавказин цергин төөргин мөрн цергин инспектор болҗ церглв. 1925 җилин сентябрь сарас авн 1932 җилин июль сар күртл Улан хазгудын 1-гч мөртә корпусыг ахлад, терүг ахлҗ бәәхдән 1927 җилд церг ахлх нойдын мергҗл өргҗүлх курс, 1930 җилд Н.Г.Толмачевин нертә Улан цергин Церг-улс төрин академьд сурад төгсәҗ, 1932 җилд М.В.Фрунзин нертә Улан цергин цергин академь төгсәв[8]. 1932 җилин июнь сарас авн — Төв Азин цергин төөргин дарһин туслач, 1934 җилин декабрь сарас — эн төөргин дарһин дарукнь. Үүнлә хамдан 1934 җилин ноябрь сарас авн ЗХУ-ин БХУК-ын Цергин зөвллийн гешүн болҗ бәәв[9].

1935 җилд Городовиков Өмн Тиролин Италин цергин маневрмудт Зөвллтин цергин төләлгчдиг ахлҗ, Б.Муссолиниһәр тосгдҗ харһв[10].

1937-1946 — ЗХУ-ин Деед Зөвллийн 1-гч хургин гешүн[7].

Корпусин ахлач О. И. Городовиков

1938 җилин һевраль сарас — Улан цергин мөртә цергин инспектор. 1941 җилин июнь сарас авн 1943 җилин январь сар күртл - Йирңкә инспектор инрл, Улан цергин мөрн цергин дарһ[11].

Төрскән Харсгч Алдр Дәәнә цагт 1941 җилин июль сарас авн Городовиков Ааку Барун Хөөтин фронтын 8-гч цергин дарһин түр-зуур үүл дааҗ[7][12][13], Балтин хаҗудк стратегин хамһаллтын операцин цагт Барун Двинаһин шуһмд хамһаллтыг босхҗ бәәв. 1941 җилин июль сард Ааку Барун фронтд мөртә цергин әңгүдин бәәһүлх көдлмшиг ахлад бәәв. 1941 җилин июль сарин сүүлчәр Городовиков эн фронтд һурвн мөртә дивизәс (32, 43-гч Ховңгин, 47-гч Ховңгин) бухг А.И.Баткалевичин негдсн бөлгиг хураҗ, Гомеляс Бобруйск күртл Немшин цергин ар талд дәврҗ бәәсн[14]. 1941 җилин июль сарин сүүл — август сарин экәр, олн дегтрмүдт бичсәр эс болҗ, 62 наста Городовиков эн бөлгин довтлһаг һардсн уга, тер бийнь, бәрмт бичгүдт эн бөлг «Үр Городовиковын нертә негсн бөлг» гидг нер зүүҗ дәәлсн бәәҗ. Сталинградын ноолдана цагт Ааку дәәснә ар талд мөртә цергин довтлһаг һардҗ йовулхд штабин төләлгч болҗ бәәв. Дәәнә жилмүдт эннь ЗХУ-ин Төв штаб, Улсин Батлн ​​хамһалх хораһин даалһвриг күцәхәр 18 дәкҗ фронтд йовҗ[9], 7 дәкҗ Кремльд ирҗ, ЗХУ-ин Төв бәәрин даалһврин күцәмҗиг тәәлхәр И.В.Сталинлә харһлдад бәәв[15].

1943 җилин январь сарас — Улан цергин мөртә цергин йирңкә дарһ С.М. Будённын дарукнь[16][17]. 1943 җилд «Цергин инрл» гидг цол, 1-гч зергин Кутузовин однд нер девшсн болв чигн, цол одн хойриг авсн уга.[9]. Городовиков 1943-1944 җилд хальмгудыг Сиврт тууснас мөлтрсн болна. 1947 җилин апрель сарас авн улсин теткврт һарв[18][19].

1948 җилд Ааку зүркнә шигдәсәр гемтҗ, эрүл менднь зөвкн 1950 җилд сергҗ, дарунь урн зокалын көдлмшән кеһәд бәәв.

ЗХУ-ин Деед Зөвллиин Тергүлгчнрин 1958 җилин март сарин 10-на зәрлгәр «ЗХУ-ин Зевсгтә күч бәәһүлх, Зөвллт улсиг эк орна дәәснәс харсх керг-үүлд һармһа һавъя бәәһүлҗ, баатрльг йовдл үзүүлснд» чөләнд һарсн бухг-инрл Ока Иванович Городовиковиг ЗХУ-ин баатр цол болн Ленинә одн, Алтн одн медаляр шаңнгдв[20].

1960 җилд Москвад насан барв. Новодевичий оршалһна һазрт оршагдв[21].

Москваһин Новодевичий оршалһна һазрт бәәһә О.И. Городовиковин булш.

Өрк-бүлнь

  • Гергнь — Александра Михайловна Городовикова (1903—1988).
  • Көвүнь — Салават Окаевич Городовиков (1938 җилин январь сарин 6 һарв)

Цергин цолмуднь

Шаңнлнь

Һазадын шаңнл:

Дурсхлнь

А.М. Герасимовин зурсн О.И. Городовиковин көрг

Городовиковин нер зүүҗәхнь:

Бүтәлмүднь

Насна туршд Городовиков Ааку Орсин мөртә цергин түүкд зөрүлсн кедүхн бүтәл бичҗ авч. Түүнә икңк бүтәлмүднь намтрин бүтәлмүд болна[21][33].

  • Городовиков О. И. Рождение Первой Конной. — Ташкент: Гос. изд-во УзССР, 1935. — 187 с. — 10 000 экз.
  • Городовиков О. И. Конница прошлого и 2-я Конная в Северной Таврии. — Ташкент: Гос. изд-во УзССР, 1937. — 92 с.
  • Городовиков О. И. В рядах Первой конной: Рассказы конармейца. — М.: Воениздат, 1939. — 120 с. — (Библиотека красноармейца).
  • Городовиков О. И. Снежный поход. Экспедиция на Памир. Для детей старш. возраста. — Ташкент: Уздетюниздат, 1939. — 69 с.
  • Городовиков О. И. Поход через страну смерчей. Для ст. возраста / В обработке И. Всеволожского, рис. В. Коновалова. — М., Шаблон:Л: Детиздат, 1941. — 68 с.
  • Городовиков О. И. Конница в Отечественной войне (из опыта боевых действий). — М.: Воениздат, 1942. — 79 с.
  • Городовиков О. И. Воспоминания. — Элиста: Калмиздат, 1969. — 194 с.
  • Городовиков О. И. В боях и походах. Воспоминания. Для сред. и ст. возраста / Лит. запись И. Всеволжского, рис. В. Щеглова. — М.: Дет. лит, 1979. — 206 с. — (Военная библиотека школьника).
  • Городовиков О. И. О доблести, о славе : Воспоминания, статьи, заметки / Предисл. И. Минца. — Элиста: Калмыц. кн. изд-во, 1979. — 252 с.
  • Городовиков О. И. Моя юность // Смена : журнал. — 1937. — Бар сар (№ 12). — С. 10—12.

Темдглл

Тәәлврмүднь

  1. ↑ Постановление СНК СССР № 2395 от 20.11.1935 г.
  2. ↑ Постановление СНК СССР № 176 от 08.02.1939 г.
  3. ↑ Постановление СНК СССР от 4.06.1940 № 945
  4. ↑ Указ Президиума Верховного Совета СССР от 14.06.1940 — за успешное выполнение заданий Командования Красной Армии, № 6280.
  5. ↑ Указ Президиума Верховного Совета СССР от 21.02.1945 — за выслугу лет, № 27953.
  6. ↑ Указ Президиума Верховного Совета СССР от 10.03.1958, № 371639.
  7. ↑ Указ Президиума Верховного Совета СССР № 2911.
  8. ↑ Знак ордена № 208/2
  9. ↑ Знак ордена № 55/3.
  10. ↑ Знак ордена № 71/4.
  11. ↑ Знак ордена № 3/5.
  12. ↑ Знак ордена № 299672.
  13. ↑ За формирование кавалерийских соединений

Сурвлҗс

  1. ↑ 1 2 Ставицкий, 1976, с. 98.
  2. ↑ ВИЖ № 4, 1989, Автобиография О. И. Городовикова от 13 июня 1940 года, с. 59—61.
  3. ↑ Ставицкий, 1976, с. 99—106.
  4. ↑ ВИЖ № 10, 1979, с. 91—93.
  5. ↑ Городовиков, 1939.
  6. ↑ Ставицкий, 1976, с. 118.
  7. ↑ 1 2 3 4 5 Ставицкий, 1976, Карпачёв П. С. След его жизни.
  8. ↑ Ставицкий, 1976, с. 158.
  9. ↑ 1 2 3 Аквилянов Ю. Чтобы память не меркла. Штрихи к портрету легендарного конника. // Красная звезда. — 2021, 20 декабря. — С.10. Дата обращения: 26 Бар сарин 2021. Архивировано 26 Бар сарин 2021 года.
  10. ↑ ВИЖ № 6, 2020, с. 80—88.
  11. ↑ Военная энциклопедия, 1994, с. 461.
  12. ↑ Сборник док. ВОВ вып. 34, 1958, Дополнение к оперативной сводке штаба Северо-Западного фронта № 09 к 11 часам 45 минутам 2 июля 1941 г., с. 102.
  13. ↑ Дополнение к оперативной сводке штаба Северо-Западного фронта № 09 к 11 часам 45 минутам 2 июля 1941 г. о боевых действиях войск фронта за 1 июля 1941 г. Архивная копия от 17 Һаха сарин 2013 на Wayback Machine
  14. ↑ Шапталов, 2002, с. 144—145.
  15. ↑ На приёме у Сталина, 2008, с. 597—598.
  16. ↑ Приказы НКО СССР 1943—1945 гг., 1997, Приказ Ставки Верховного Главнокомандования № 057 от 25 января 1943 г. «О назначении Маршала Советского Союза Буденного С. М. командующим кавалерией Красной Армии и генерал-полковника Городовикова О. И. — его заместителем»., с. 39.
  17. ↑ Ставицкий, 1976, с. 198—205.
  18. ↑ Лазарев С. Е., 2012, с. 29.
  19. ↑ Ставицкий, 1976, с. 164.
  20. ↑ Ведомости Верховного Совета СССР. — 31.03.1958. — № 6 (901). — Статья 130
  21. ↑ 1 2 Лазарев С. Е., 2012, с. 31.
  22. ↑ 1 2 3 ВИЖ № 12, 1969, Городовиков Ока Иванович (в том числе 2 приказа РВСР о награждении), с. 58—59.
  23. ↑ Указ Президиума Верховного Совета СССР от 4 июня 1944. ОБД «Подвиг Народа». Дата обращения: 29 Туула сарин 2011. Архивировано 8 Лу сарин 2012 года.
  24. ↑ Память народа :: Документ о награде :: Городовиков Ока Иванович, Орден Отечественной войны I степени. pamyat-naroda.ru. Дата обращения: 29 Така сарин 2016. Архивировано 16 Ноха сарин 2016 года.
  25. ↑ Ставицкий, 1976, с. 233.
  26. ↑ Ставицкий, 1976, с. 267.
  27. ↑ Ставицкий, 1976, с. 17.
  28. ↑ 1 2 3 4 5 6 7 Ставицкий, 1976, с. 135.
  29. ↑ У Хмельницькому вже перейменували півсотні вулиць, vsim.ua (24 Лу сарин 2016). Архивировано 21 Һаха сарин 2018 года. Дата обращения: 21 Һаха сарин 2018.
  30. ↑ Постановление Правительства Калмыкии от 28 апреля 2012 г. № 122 «ОБ УТВЕРЖДЕНИИ СПИСКА ОБЪЕКТОВ КУЛЬТУРНОГО НАСЛЕДИЯ РЕСПУБЛИКИ КАЛМЫКИЯ». Дата обращения: 20 Һаха сарин 2018. Архивировано из оригинала 3 Ноха сарин 2014 года.
  31. ↑ Чугаев, 1966, Постановление бюро Калмыцкого обкома ВКП(б) и СНК КАССР о наименовании частей калмыцких кавалерийских дивизий и вручении боевых знамен. Г. Элиста, 13 февраля 1942 г., с. 82—83.
  32. ↑ В Москве открыли памятную доску Герою Советского Союза Оке Городовикову. Дата обращения: 27 Үкр сарин 2024.
  33. ↑ Ставицкий, 1976, с. 186.

Ном-зү

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — С. 358. — 911 с. — 100 000 экз. — ISBN отс., Рег. № в РКП 87-95382.
  • Городовиков Ока Иванович // Гермафродит — Григорьев. — М. : Большая российская энциклопедия, 2007. — С. 477. — (Әрәсән ик невтркә толь : [в 35 т.] / гл. ред. Ю. С. Осипов ; 2004—2017, т. 7). — ISBN 978-5-85270-337-8.
  • Военная энциклопедия: В 8 томах / Пред. Главной ред. комиссии П. С. Грачёв. Вавилония — Гюйс. — М.: Воениздат, 1994. — Т. 2. — 544 с. — 10 000 экз. — ISBN 5-203-00299-1.
"https://xal.ruwiki.ru/w/index.php?title=Городовиков,_Ока_Иванович&oldid=319822" халхас авсн