Пүрвә өдр

Пүрвә өдр (энд. Bṛhaspati; төвд. phur bu; моңһл келәр: пүрэв; орс. четверг) — долан хонгин дөрвдгч эс гиҗ талдан толлар тавдгч (Нарн өдрәс тоолад авхла) хонг (өдр).

Хальмгуд эн өдриг Пүрвә һарг (планета) нерәр нерлҗ бәәнә. Эннь төвд келнә phur bu гидг үгиг хальмг келнд шуд зееләд авч, келнә аю дахулн хүврүләд ашглҗ бәәнә. Зурхан йосар болхла, пүрвә өдрт Пүрвә һарг ик нөләлҗ бәәнә. Эн өдрт һарсн күүкдиг урд цагт хальмгин Пүрвә (бас нег бичгин хүвлврнь Первә) гидг нерәр нерлдг бәәҗ.

Нернә үүсл-һарл

Эндкгин келнә «Bṛhaspati» гидг үгиг хальмг келнд шуд орчулхла, «Әрүн теңгрин (Брахма) эзн» гисн утхта болна. Эн үгиг төвд келнд орчулхла, шуд утх-чинрәрнь эс орчулҗ, «phur bu» (эндкгин келәр: «kīlа») гидг нертә һурвн иртә бурхна шаҗна үүлдврт керглдг һасн-утхин нерәр орчулҗ. Хальмгуд болхла, эн үгин хүвлвр эврә келндәр эс олад, шуд төвд нериг ашглҗ бәәнә.