Мана келн (Седкүл)
Мана келн (орс. Наш язык) — Зөвллт Хальмгин утх зокалын үүсл, өдгә цагин хальмгин урн зокалын көгҗлд чухл үүрг күцәсн түүк деерк түрүн хальмг келәр һарсн утх зокал, урлгин седкүл.
Түүкнь
1925 җилд Эврә засх Хальмг төөргин (областин) Цуг Холвана Большевикмудын Коммунист Намин бүсин хора болн Бүсин күцәх хораһас хальмг келәр «Мана Келн» гидг ниигм улс төр, утх зокал, урлгин седкүл һарһхар шиидҗ. «Мана Келн» седкүлин түрүңк тойгнь 1928 җилин март сарин 22-нд һарв. Эн седкүлнь Цуг Әрәсән Пролетар бичәчнрин ниигмлгин Хальмгин салврин бәәһүллһ болв. Седкүл сар болһн хойр барин халхар һардг бәәҗ. Һарлтнь 1000 хүв бәәсн бәәҗ.
Седкүлин редакторнь Бадмин Ишлә болад көдлҗәҗ. Эн седкүл Хальмгин шин урн зокалыг көгҗүлх зөрлһ гиҗ үздг бәәҗ. Хальмгин бичәчнр болн шүлгчнр Манҗин Нимгр, Сусён Аксён, Калян Санҗ, Басңга Баатр, Сән-Белгин Хаср седкүлин редакцла хамдан көдлдг бәәҗ. Секдүлин халхст Хальмгин баһ наста бичәчнрин урн бүтәлин тускар олн төрлин урн зокалын бүтәл, шүүмҗ, шүүмҗин ниитллмүд һардг бәәҗ.
Эн седкүлд сурһн күмҗүлх арһ-зүүһин материалыг барлсн болнд Хальмгин багшнр Хальмгин сурһульмудт сурһлтын материал болһад ашглдг бәәҗ. Седкүлд Хальмгин баһ наста бичәчнрин бүтәлмүдиг багтасн «Хальмгин негдгч шатын сурһулин 2-гч курсин умшх дегтр» гидг утх зокалын хураңһу барлгдад һарч.
Мана келн седкүл 1935 җилд барас һардган уурч.
Ном-зү
Дякиева Р.Б., Журналистика Калмыкии: история и современность, изд. Жангар, Элиста, 2001, стр. 5-6