Правраҗья

Правраҗья (эндкг келәр: pravrajya; пали келәр: pabbajjā; төвд келәр: rab byung; моңһл келәр: машид гарсан; хальмг келәр: арвҗң/сәәтр һарсн) — бурхна шаҗна эр төөдин дунд зерг. Арвҗң / Сәәтр һарсн күн Ик күлгнә болн Баһ күлгнә йосар әдлхн һучн тавн Эврә тоньлх санврта болна.

Үгин үүсл-һарлнь

Эндкгин келәр «Правраҗья» гиснь — өмәрән һарх гисн утхта үг. Иим үгәр гертәсн һарч, хамг элгн-садн, гер-бүл, кех керг-үүлән тевчәд, төөнин санвр авч йовхар седҗәх күүг нерәднә. Хальмг келнд «арвҗң» гидг хүвлврнь төвд келнәс зеелҗ авад, хальмг келнә аю дахад хүврсн «рабҗуң» (төвд келәр: rab byung) гисн үг. «Сәәтр һарсн» гидг хүвлврнь — төвд келнәс хальмг келнд үгчлн орчулснь болна (энд «rab» гидг үгиг «сәәтр» гиҗ орчулад, «byung» гидгиг «һарсн» гиҗ орчулсн болдг).

Онцлгнь

Арвҗңгин һучн тавн санвриг гецлин арвн санврин хөөн санвр, цол, эрдмәр түүнәс өндр гелң өгх йоста. Эннь гелңгин өмн авдг санвр болна. Зуг, Төвдин йосар сүүлин цагт иим зергиг гелңгүд өгдгән уурчана. гецлин санврин хөөн шуд гелңгин санвр өгдг болв.