Эврә тоньлх санвр

Эврә тоньлх санвр (эндкг келәр: prātimokṣa; пали келәр: pāṭimokkha; төвд келәр: so thar sdom-pa; хальмг келәр: эврә тонльх санвр) — Номһдхлһин әәмг савин хувргин бийән бәрхин туск нег һол кесг. Баһ күлгнә Эврә тоньлх санвр — Баһ күлгнә Һурвн әәмг савин Номһдхлһин әәмг савд орна. Ик күлгнә Эврә тоньлх санврнь Төвдин Һанҗурт орна.

Үгин үүсл-һарл

Эндкгин «Пратимокша» гидг үг хойр үгәс тогтна. «Мокша» гидгнь — орчлңгин зовлңгас «тоньлх», «прати» гиснь — «түүнд» гисн үг. Үгчләд орчулхла, «тоньлхд күргх» гидг утх-чинртә үг болна. Хальмг келнә үг төвд нер томьяг үгчлн орчулсн хүвлвр болна.

Төвдт керглдгнь

Төвдин болн моңһл келтнрин номин йосар Эврә тоньлх санвр нег авч, нас барх күртл бат, унл-алдл угаһар бәрх кергтә. Эн йосар Эврә тоньлх санврин нәәмн зүүл бәәнә:

1. Увш болн увснцин 5 эс гиҗ 8 санвр

2. Гецлин 35 санвр

3. Гелңгин 253 санвр

4. Эк гелңгин 364 санвр

Орс келнд орчулсна туск медән

Орс келнд Эврә тоньлх санврин судриг XVIII зун җилин адгар, 1863 җилд И.П. Минаев пали келнәс орчулад, дегтрәр барлҗ һарһв.