Сарң өдр

Сарң өдр (энд. soumya; төвд. [zla ba] Error: {{Lang}}: text has italic markup (help); моңһл келәр: даваа; орс. понедельник) — долан хонгин экнә эс гиҗ талдан тооллар хойрдгч хонг (өдр).

Хальмгуд эн өдриг делкәг сөөһәр герлтүлгч делкән дахуль болҗах Сар һаргин (планетын) нерәр нерлҗ бәәнә. Эннь төвд келнә zla ba гидг үгиг хальмг келнд шуд орчулсн хуучн хүвлвр болҗ бәәнә. Зурхан йосар болхла, сарң өдрт Сар һарг ик нөләлҗ бәәнә. Эн өдрт һарсн күүкдиг урд цагт хальмг келәр Сарң (бас нег хүвлврнь Саран), төвдин Дава эс гиҗ эндкгин Сумьян гидг нерәр нерлдг бәәҗ.

Нернә үүсл-һарл

Уйһурҗн-моңһл бичгт өдгә цагин хальмг келнә «сар» гидг үгиг «saran» гиҗ бичҗ темдглдг бәәҗ. Эннь эн үгин мана нйин XII-XIV зун җилмүдин темдглл болҗ бәәсн боллта. XVII зун жилд, Тод бичгт энүг «sara» гиж бичдг учрас эн үгин янз сольгдсиг герчлҗ бәәнә. Зун өдрин нернь келнә аю дахҗ хүврсн уга боллта. Хальмг келнд болхла, мөн үгин сүүлин «-н» гидг үзг зәрм айлһуст «-ң» гидгт хүрәд үлдсн болҗана. Тиим учрас Сар һаргин өдриг «Сар» биш, «Сарң» гиҗ ода күртл дуудад нерәдҗ бәәнә.