Эк гелң

Эк гелң (эндкгин келәр: bhikṣuṇī; пали келәр: bhikkhunī; төвд келәр: dge-slong ma; моңһл келәр: гэлэнмаа, эх гэлэн; хальмг келәр: эк гелң) — бурхна шаҗна эм төөдин хамгин деед зерг (эр күүг гелң гинә). Эк гелң эр гелңгәс үлү Эврә тонльх санврта болна. Ик күлгнә йосар икңкдән 360 санврта, Баһ күлгнә йосар 311 санврта бәәсн бәәҗ. Өдгә цагт эк гелңгин санврин үндслл тасрв гиҗ үздг.

Түүк

Бурхна шаҗна домгудар болхла, аңх-түрүңк эк гелң — Бурхн багшин наһц эгч, Бурхна экнь насан бархла, доладгч өдрәснь авн асрҗ өсксн Махапраджапати Готами (пали келәр: Mahāpajāpatī Gotamī) гидг нертә гергн болв. Эрт цагин пали келәр бичәтә домгудар үзхлә, Бурхн багш гергчүдт гелңгин санвр өгх дурн уга бәәҗ. Тиигхлә, Махапраджапати Готами гелң болхар седҗәх олн гергчүдиг хураһад, толһаһан халцхалн, гелңгин шар номт хувц өмсн, көл нүцкәр Бурхна бәәсн һазрт күрч ирв. Эн йовдл делкән түүк деер эр-эм улсин эрк теңцүлх түрүңк йовдл болв гиҗ эрдмт-номтнр темдглнә. Зәрм гергчүднь цаһан яста болад, көл нүцкәр йовдг угаһин учрар, көләснь цусн һарад бәәв. Цуглрсн гергчүдиг үзсн бурхна шев Ананда багшдан одад: Эм күн эр күүнлә әдл кевәр насна турш бишлһл үүлдҗ, Һаслңгас Нөгчх арһтай аль угай? Тиим арһта болхла, эм күүг хувргин тоод орулад, орчлңгин зовлңгас тоньлх арһ олһий — гиҗ сурв. Бурхн багш зөвшәрҗ, эм улсиг гелңгин санврт күртәдг болв.

Әңглл: Шаҗн