Җимбин Андрей

Җимбин Андрей орс. Джимбиев Андрей Манганыкович
Төрсн:	1924-гч җилин, декабрь сарин 5 Ниицән селән
Улс-орн	Орсин Холвана Улс, Хальмг Таңһч
Урсхл	шүлгч, бичәч

Җимбин Андрей (1924 җилин декабрь сарин 5-нд, РСФСР, Хальмг автономьта муҗ, Ниицән селән - январь сарин 27, Элст) — Зөвллт Хальмгин нертә бичәч, шүлгч, седкүлч, орчулач, Хальмг улсин бичәч. Хальмг Таңһчин күндтә иргн.

Намтрнь

Җимбин Андрей 1924 җилин декабрь сарин 5-нд Хальмг автономьтә муҗин Лаганин района Ниицән гидг селәнд төрҗ һарв. Дунд сурһуль төгсәһәд, сурһулин бичкдүдин әңгин июнь сарла эврә сән дурарн фронтд одв. Төрскән харсгч ик дәәнд 248-гч дивизин бүрлдлд орлцҗ дәәлв. Сиврт тууһад авсн цагт Җимбин Андрей Новосибирск муҗд бәәсн бәәҗ.

Байр» гидг нертә күүкдин седкүлин редактор болсн бәәҗ.

Җимбин Андрей 1958-1991 җилмүдт ЗХУ-ин гешүн бәәҗ, ЗХУ-ин Бичәчнрин холвана гешүн (1991 җиләс авн Әрәсән бичәчнрин холвана гешүн), ЗХУ-ин Седкүлчнрин холвана гешүн (1991 җиләс авн Әрәсән Седкүлчнрин холвана гешүн) болсн бәәҗ. Әрәсән утх зокалын саңгин гешүн, төрин шаңнлын эзн. ЗХУ-ин Элстин Иргнә хораһин гешүн, балһсна Улсин депутатмудын зөвллийн депутат болҗ кесг дәкҗ суңһгдад бәәсн күн.

Илүмҗинә Кирсана зәрлгәр Җимбин Андрей «Хальмг Таңһчин Улсин бичәч» гидг күндтә цол олһв.

Шүлгч болн бичәч Җимбин Андрей январь сарин 27-нд 98 насн деерән өңгрҗ одв.

Урн бүтәлнь

Җимбин Андрей түрүн шүлгүдән XX зун җилин 50-әд җилмүдин сүүләр Хальмг утх зокалын альманах «Теегин герл»-д барлҗ авч. Түрүңк шүлгүдин хураңһунь, «Түрүн хавр» 1960 җилд Элстд барлгдҗ. Түүнәс хооран Җимбин Андрей шүлгүдин болн зокалын 30 һар дегтр бичв.

Зәрмснь: алдршсн «Темән үүлн» роман, «Күчр күнд цагт», «Таслгч эргц» түүкмүд, «Цаста салькн», «Хату җөөлн» поэмс, «Хоңх» шүлгүдин хураңһу, «Делкән цуг өңг», «Көк теңгрин дор», «Җирһлин айс», «Дусал болһнд - җирһл», келврмүд болн очерксин хураңһу «Күн болн цаг». Күүкдт зөрүлсн бүтәл чигн бичсн бәәҗ. Түүнә «Хойр күлгн» гидг дегтр 100 миңһн хүв-ширкг барлгдв.

Бичәч Җимбин Андрей С.Маршак, И.Тургенев, Л.Мусатов, А.Пантелеев болн оңдан олн бичәчнрин бүтәлиг хальмг келд орчулх көдлмшт орлцҗ бәәв.

Үүдәврмүднь

Хальмг келәр

• Түрүн хавр. Шүлгүд, 1960 җ.;
• Үүрмүд. Келврмүд, 1961 җ.;
• Алексейин туск келвр. Келвр, 1963 җ.;
• Үрин хәләц, келврмүд, 1964 җ.;
• Баһ насн — байсхлң, очерк, 1964 җ.;
• Авһ ач хойр, келвр, 1965 җ.
• Күүнд күчр болхла..., тууҗ.

Орс келәр

• Колокол, стихи и поэма, 1965 г.
• Все близкое и далекое, 1979 г.;
• Верблюжьи облака, роман, 1983 г.;
• Под голубыми небесами, 1983 г.;
• Тишина, 1985 г.;
• Широкое течение, 1986 г.

Шаңнлнь

• Нәәрмдлин Одн;
• Төрскән харсгч дәәнә одн II зергин;
• «Намин Эр зөрг» одн. КПРФ-ин ЦК-һин одн
• 1941-1945 җилмүдин Төрскән харсгч дәәнә эр зөргин төлә медаль;
• Медаль «Зөргин төлә»;
• Жуковин медаль
• РСФСР-ин Деед Зөвллин Тергүлгчдин күндтә бичиг
• Хальмг Таңһчин Күндтә Иргн

Сурвлҗс

• Джимгиров М. Э., Писатели советской Калмыкии, Калмыцкое книжное издание, Элиста, 1966, стр. 84—87
• Андрей Джимбиев // Поляков Н. Н. Герои войны — герои литературы (Писатели-фронтовики Калмыкии о Великой Отечественной войне), Элиста, Калм. кн. изд-во, 1973., стр. 53—57
• Прокопенко В. Солдатское сердце писателя. [О писателе Джимбиеве А. М.], Элистинская панорама, 4 декабря 2004, стр. 3.