Манҗин Нәәмнә Аркадий

Рувики-с
В Рувики есть статьи о других людях с фамилией Манҗин.
Манҗин Нәәмнә Аркадий
2901 Аркадий Манджиев.jpg
Һол зәңгллһ
Бүрн нернь
Төрсн җил-өдрнь 1961 декабрь сарин 14(1961-12-14)
Төрсн һазрнь
Нас барсн җил-өдрнь 2022 май сарин 16(2022-05-16) (60 лет)
Нас барсн һазрнь
Орн-нутгнь
Мергҗлнь композитор
Шаңнлнь

Манҗин Нәәмнә Аркадий (орс. Арка́дий Нами́нович Манджи́ев; 1961 декабрь сарин 14, Комсомольский[d], Хальмг Автономн Советск Социалистическ Республик — 2022 май сарин 16, Элст) — советскин болн Әрәсән көгҗм зокалч, дууч, Хальмг Таңһчин частрин көгҗм зокалсн күн. Хальмг Таңһчин билг-эрдмин Ачта үүлдәч, Әрәсән Федерацин көгҗм зокалчнрин Ниицәнә гешүн Нарт-Делкән Моңһл келтнрин көгҗм зокалчнрин ассоциацин йирңкәлгч, таңһчин көгҗм зокалчнрин Ниицәнә художественн сүвдлин толһач, Хальмгин Баатр (2019)[1][2].

Намтрнь

Хальмг Таңһчин Хар Һазрин района Комсомольский селәнд төрсмн. Көгҗмин школд баян зевсгин класст сурһуль авад, дарунь Элст балһсна көгҗмин училищин олна зевсгүдин әм әңг төгсәсмн. Дипломин көдлмшнь — Хальмг улсин зевсгүдин хамтлгин түрүн ик кевин үүдәвр «Теегин зег» (орс. «Степные узоры»). Училищиг 1981-гч җилд төгсәчкәд, Әәдрхнә консерваторин  (рус.) (хал. дирижёрин-хорин әңг төгсәсмн. 1983-гч җилд Казаня консерваторин  (рус.) (хал. көгҗм зокалчнрин әңгин хойрдгч курст орад, Татарстана билг-эрдмин Ачта үүлдәч А. Б. Лупповин класст сурһуль авсмн[3].

Оютн цагтан олн көгжм үүдәсмн, тер дунд фортепианд нерәдсн «Бичкдүдин альбом» (1982) болн «Ки бодвр» (1982), чивһстә квартет (1983), Көглтин Даван шүлгүдәр бичсн «Цитаты» көгҗм (1983), зевсгүдин хамтлгта флейтан концерт (1986), Кончерто гроссо (1987), Шугран Веран, Нармин Морхаҗин шүлгүдәр бичсн көгҗм, хальмг олна дуд шинрүллһн[4].

1984—1986-гч җилмүдт советин цергт мордад, Мурманскин муҗд церглсмн. Тер һазрин бәәдл темдгләд, «Снежная королева» мюзикл бичсмн. Консерваториг төгсәхдән (1989) дипломин көдлмшнь мюзикл «Снежная королева» болн Негдгч симфониян үзүлсмн. Симфониг 1988-гч җилд Элстд Кабардино-Балкарин билг-эрдмин Ачта үүлдәч Б. Темирканован һардврта Симфоническ хамтлг наадсмн[4].

Консерваториг төгсәснә хөөн Манҗин Аркадий Хальмгин филармоньд «Калмыкия» рок-баг тогтасмн, терүнд бийнь һардач, көгҗм зокалч болн дууч бәәсмн. Хальмгин нертә шүлгч Шугран Верата хамдан олн дуд тогтасмн, дарунь Басңга Баатрин нертә үндсни драмин театрт Даниэль Дефон «Робинзон Крузо» романар «Нис, керм» (орс. «Лети, корабль») рок-опер зокалсмн[4].

1991-гч җилд көгҗм зокалч хальмг олн улсин көгҗмд соньмсв. Хальмг олн әмтнә ду-бииһин «Бамб цецг» хамтлагин үрврәр Манҗин Аркадий «Җанһр» баатрльг дуулврин аялһар «Келн-әмтнә туск дун» гидг нерәдлһтә ду-бииһин сюит үүдәһәд, олн биид көгҗм зокалсмн, тер дунд: «Үр Сар», «Өөрд күүкдин би», «Белгүд», «1812-гч җилин дәәнд орлцсн хальмг дәәчнрин би», «Дацана асхн», «Өөрднрин буудл». Хөөннь «Өөрднр» хамтлгд нерәдәд: «Нарнд мөрглһн» болн «Ламнрин би» һарһсмн[4].

1990-гч җиләс авн Манҗин Аркадий Тыва Таңһчин билг-эрдмин Ачта үүлдәч, Тыва Таңһчин орн-нутгин мөрәлч, нертә бииһин зокалч, Вячеслав Донгакла таньлдад, хамдан көдлҗ. Эднә түрүн көдлмш — «Цам» гидг ламнрин мистерия болв, терүнә хөөн олн җилдән хамдан кесг үүдәврмүд зокалсмн («Цам», «Ноһан Дәрк», «Мөрчнр», «Миңһн байр», мюзикл «Шовун мет сәәхн күүкн»)[4].

1994-гч җилд Тыва Таңһчин  (рус.) (хал. нутгин филармонин үрврәр Манҗин Аркадий «Саяны» тува келн әмтнә хамтлгин 25 җилин өөнд нерәдсн көтлвр белдсмн, «Аян» шоу-багд көгҗм болн аранжировкс бичсмн. Тывад үүдәсн көгҗм таңһчин олн әмтнд таасгдад, өөдән үнлгдсмн, «Аян» шоу-багд бичсн аранжировкс болхла Хасгин нутгт (Алма-Ата) болсн «Азийн дун» (орс. «Голос Азии») гидг нарт-делкән дууһин болн көгҗмин марһана мөрә авсмн[4].

1990-гч җилмүдт көгҗмч шин ик кевин үүдәврмүд зокалсмн, теднә дунд — Һурвдгч симфоний, Үндсни көгҗмин болн драмин театрин «Көк теңгрин мөңкин закрлһар» («По велению вечного неба») нааднд көгҗм бичсмн, «Бамб цецг» хамтлгд «Бадм цецг» («Лотос») балетин көгҗм зокалсмн. Муниципальн баһчудын эстрадын театр тәвсн «Шовун мет сәәхн күүкн» гидг мюзикл XXXIII-гч Нарт-Делкән шатрин олимпиадын сойлын көтлврин һол һәәхүл болснь лавта[4].

Манҗин Аркадий Хальмгин частрин көгҗмин зокалч. Эн 100 шаху дуд бичсмн[4].

2003—2005-гч җилд Хальмг Таңһчин сойлын министр бәәсмн. 2005 −2011-гч җтлмүдт Моңһл келтнрин көгҗм зокалчнрин Ниицәнә художественн сүвдлин толһач болн Хальмг Таңһчин көгҗм зокалчнрин Ниицәнә толһач[5].

2011-с авн 2022-гч җил күртл — Хальмг филармонин ахлгч директор.

2022-гч җилин май сарин 16-д Элстд сәәһән хәәсмн.

Үүдәлтнь

Орн-нутгин частр

Талвна нааддын үүдәврмүд

  • «Би — Будда» көгҗмин поэм (2016)[6][5];
  • «Нис, керм» рок-опер[4][5];
  • Мюзикл «Снежная королева» (1989)[4][5];
  • Мюзикл «Шовун мет сәәхн күүкн» (1998)[4][5];
  • Мюзиклы «Стая», «Акума», «Родные наши», «Про Федота-стрельца»[5];
  • Шоу-балет «Бадм-цецг»[4][5];
  • Бииһан баллада «Тасрха вальс»[5].

Симфоническ болн оркестрин үүдәврмүд[4][5]

  • Негдгч симфоний (1989);
  • «Теегин зег» (1981) Хальмг улсин зевсгүдин хамтлгин түрүн ик кевин үүдәвр;
  • Хамтлгта флейтын концерт (1986);
  • Кончерто гроссо (1987);
  • Ки бодвр «Пушкин болн хальмг күүкн» (Хальмг улсин зевсгүдин хамтлгин болн умшачин).

Дуд 100 шаху дуд зокалсмн. Хамгин туурснь[4][5]:

  • «Иньг мини»[5];
  • «Жизни река»;
  • «Мама»;
  • «Доченька»;
  • «Бичә уль»;
  • «Ноһала»;
  • «Хальмг күүкн»;
  • «Цаһан цасн»;
  • «Күрәд ирич»;
  • «Занда»;
  • «Сибирская баллада»[5].

Ачлврмуднь

  • Хальмгин Баатр (2019)[7];
  • Заслуженный деятель искусств Республики Калмыкия[7].

Дурсхл

2022-гч җилин август сарла Хальмг филармоньд Манҗин Аркадийин нер зүүсмн[8].

2023—2024-гч җилмүдт санлын асхн болн фестиваль давулдг болсмн. 2023-гч җилин май сарин 12-т Басңга Баатрин нертә Хальмгин үндсни драмин театрт санлын асхн болсмн, 2023-гч җилин декабрь сарин 10-д «Мини Төрскм» («Моя Родина») гидг II-гч таңһчин фестиваль төгссмн[9][10].

2024-гч җилин май сарин 16-д филармоньд буйнч седклин концерт болсмн, декабрь сарин 11-д — концерт-квартирник «Эңкр Аркадь»[11][12].

Темдглл

  1. ↑ Аркадий Манджиев: Чтобы сохранить себя, нашим народам нужен настоящий лидер — Новости Бурятии, новости Калмыкии и Монголии на АРД (ARD) (9 Лу сарин 2013). Дата обращения: 17 март сарин 2026.
  2. ↑ Аркадию Манджиеву присвоено звание Героя Калмыкии.
  3. ↑ Маэстро земли калмыцкой. Памяти Аркадия Манджиева (неопр.). Экспертно-аналитическая сеть ПолитРус — Юг (27 Така сарин 2023). Дата обращения: 17 март сарин 2026.
  4. ↑ 1 2 3 4 5 6 7 8 9 10 11 12 13 14 Манджиев Аркадий Наминович. Дата обращения: 17 март сарин 2026. Архивировано 7 Мөрн сарин 2014 года.
  5. ↑ 1 2 3 4 5 6 7 8 9 10 11 12 13 Аркадий Манджиев. Союз композиторов России. Дата обращения: 17 март сарин 2026.
  6. ↑ Рецензия от редактора сайта Дацана на калмыцкий спектакль «Я-Будда». Дацан Гунзэчойнэй. Дата обращения: 25 Туула сарин 2026.
  7. ↑ 1 2 В память об Аркадии Манджиеве. РИА Калмыкия. Дата обращения: 17 март сарин 2026.
  8. ↑ Калмыцкой госфилармонии присвоено имя Аркадия Манджиева. РИА Калмыкия. Дата обращения: 17 март сарин 2026.
  9. ↑ Вечер памяти Аркадия Манджиева. Телерадиокомпания «Калмыкия». Дата обращения: 17 март сарин 2026.
  10. ↑ В Калмыкии прошел фестиваль памяти Аркадия Манджиева. БезФормата (Элиста). Дата обращения: 17 март сарин 2026.
  11. ↑ Благотворительный концерт памяти Аркадия Манджиева. Kalmykia News. Дата обращения: 17 март сарин 2026.
  12. ↑ Концерт-квартирник «Эңкр Аркадь». Телерадиокомпания «Калмыкия». Дата обращения: 25 Туула сарин 2026.
"https://xal.ruwiki.ru/w/index.php?title=Манҗин_Нәәмнә_Аркадий&oldid=320098" халхас авсн