Басңга Баатрин нертә үндсни драмин театр

Рувики-с
"Һавьян Темдг" Одна эзн, Басңга Баатрин нертә үндсни драмин театр
Kalmyckijteatr.jpg
Бүрдәгдсн цаг-җил 1936 җилин апрель сарин 21
Ачлврмуд Орден «Знак Почёта»  — 1986
Театрин бәәрн гер
Орм Flag of Russia.svg Орсин Холвана Улс: Элст балһсн, Аксён Сусеевин уульнц, 21 гер
Багтамҗ 232
Һардвр
Директор Шураева Галина Борисовна
Художественн һардач Манджиев Борис Наминович
Сайт kalmteatr.ru

Басңга Баатрин нертә үндсни драмин театр (орс. Национальный драматический театр имени Баатра Басангова) — Хальмгин үндсни драмин театр. Элст балһсна Аксён Сусеевин нертә уульнцин 21-гч герт бәәнә. Театр хальмгин бичәч драматург Басңга Баатрин нер зүүнә.

Тууҗнь

1927-гч җилд Әәдрхнд түрүн хальмг драмин студь секгдсмн, терүнә ханьд нүүдлин театр тогтагдсмн. Театрин түрүн «Улан Сар» нааднд 300 оютнр орлцсмн, терүг Москвад үзүлсмн. 1932-гч җилин январь сарла Саратовд хальмгин билг-эрдмин техникум бүрдәгдәд, хальмг җөҗгтнриг белддг болсмн.

Өдгә цагин Хальмг драмин театр 1936-гч җилд бүрдәгдсмн. 1936-гч җилин апрель сарин 21-д Хальмгин ВКП(б)-н обком «Элстд Хальмг үндсни студь бүрдәлһнә төр» тогтавр батлҗ авсмн. 1936-гч җилин май сарин 25-д Хальмгин бичәчнрин Ниицән Шекспирин, Грибоедовин, Островскин наадд-үүдәврмүдиг Хальмгин театрин труппин репертуарин төлә эклҗ орчулсмн[1]. 1936-гч җилд театр секгдснәс авн 1937-гч җилин эклц күртл театрин директорар Хальмг олн-улсин шүлгч Калян Санҗ көдлҗ йовсмн.

1936-гч җилин ноябрь сарин 5-д театр Сән-Белгин Хасрин «Өнчн бөк» наадар байрин кемд секгдсмн[2].

1937-гч җилд театрин ханьд хальмг олн-улсин хор болн үндсни зевсгүдин оркестр тогтагдсмн[3].

1938-гч җилд театрт орс келнә трупп бүрдәгдсмн.

1942-гч җилд театр Актюбинск балһснур нүүлһгдсмн. Төрскән харсгч Алдр дәәнә цагт театр фронтын меҗәһәр гастрольд йовдг бәәсмн. 1943-гч җилин декабрь сарла хальмгуд цааҗла харһулгдсн кемд театрин көдләчнр Сиврүр туугдсмн. Тенд бәәх хальмгудын төлә театр наадмудан тәвҗ йовсмн. 1957-гч җилд хальмгуд сән нерән цеврләд хәрсмн, 1958-гч җилд театр Элст балһснд көдлмшән сергәсмн. 1958-гч җиләс авн 1962-гч җил күртл театрин директорар хальмг шүлгч болн җөҗгч Хоньна Михаил көдлсмн.

1961-гч җилд театрт Хальмгин бичәч болн драматург Басңга Баатрин  (рус.) (хал. нерн зүүгдсмн.

  • * Басңга Бадмин Баатр — төрсн цага нернь — Һашута Баатр, 1911-гч җилин январь сарин 4-д с Уланхолын улус (ода — Хар Һазрин район), Цекртә хотн — 1944 -гч җилин апрель сарин 25, РСФСР, Хакась, Абакан — Хальмгин советскин бичәч, драматург, шүлгч, орчулач, тууҗч.

Театрин наадд

  • 1938-гч җилин февраль сарин 28-д — Басңга Баатрин «Чууча» шог-наадн[4];
  • 1938-гч җилин октябрь сарин 29-д — премьера спектакля по пьесе Максима Горькийин «Хортн» («Враги») наадн (Эрнҗәнә Эрнҗәнә Константин орчулсмн[5];
  • 1939-гч җилин май сарин 5-д — Леҗнә Цернә либреттоһар тәвсн «Җирhл» («Счастье») нерәдлһтә хальмгин түрүн нег акта опер[6];
  • 1959-гч җилин август сарин 24-д — Басңга Баатрин «Кенз байн» («Запоздалый богач») наадн[7];
  • 1966-гч җилин март сарин 8-д — Балакан Алексейин бичсн «Элстин вальс» («Элистинский вальс») түрүн хальмг көгҗмин шог наадн[8];
  • 1967-гч җилин декабрь сарин 12-т — Басңга Баатрин «Бумбин орн» наадн шинәс тәвгдсмн[9];
  • 1968-гч җилин октябрь сарин 25-д — Антон Мудренович Амур-Санана түүкәр тәвсн «Буря в степи» наадн
  • 1969-гч җилин март сарин 19-д — Балакан Алексейин «Хүрм» («Свадьба») наадн[10];
  • 1970-гч җилин октябрь сарин 24-д — Калян Санҗин «Маниг Ленин дуудла» ("Воззвание Ленина) наадн[11];
  • 1971-гч җилин ноябрь сарин 20-д — Балакан Алексейин бичсн «Правительственн даалhвр» («Правительственное задание») наадн[12];
  • 1973-гч җилин ноябрь сарин 24-д — Дорджиев Басанг Бюрюнович бичсн дегтрәр тәвсн «Чик хаалh» («Верный путь») наадн;
  • 1974-гч җилин январь сарин 18-д — Балакан Алексейин бичсн «Экин зүркн» («Сердце матери») наадн[13];
  • 1974-гч җилин май сарин 23-д — Александр Пушкин бичсн үүдәврмүдәр «И назовёт меня …» наадн[14];
  • 1975-гч җилин март сарин 6-д — Саңһҗин Бося бичсн «Мөңкрлт» («Бессмертие») наадн[15];
  • 1977-гч җилин март сарин 15-д — Нармин Морхаҗ бичсн түүкәр «Боова» наадн[16];
  • 2012-гч җилин январь сарин 28-д — Хальмгин олн-улсин шүлгч Шугран Вера бичсн «Шарка + Барка» көгҗмин шог наадн[17].

Өдгә цаг

Ода цагт Хальмг драмин театрин репертуар хальмг болн орс келәр тәвсн нааддас тогтана.

2011-гч җилин ноябрь сарла Хальмг драмин театрин ханьд «Җаңһр» нерәдлһтә оюн наста хәләһәчнрин театр орулгдад, негдүлгдсмн.

Нертә көдләчнр

  • Бадма Джимбеев — «Нүүдлә» дууһин бүрдәһәч
  • Дорджин Сангаджи-Гаря Оджакаевич (1941—1943), көгҗмин әңгин толһач, Хальмг АССР-ин Ачта җөҗгч
  • Нахимовская Ася Ефимовна (1961—1997), җөҗгч, Хальмг АССР-ин Ачта җөҗгч
  • Сасга Тимофеин Александр (1963—1996), актёр, РСФСР-ин Ачта җөҗгч
  • Щеглов Александр Алексеевич (1967—1991), җөҗгч, Әрәсән Федерацин Ачта җөҗгч
  • Яшкула Бориса Сергей — җөҗгч, заслуженный артист РСФСР-ин Ачта җөҗгч.

Темдглл

  1. ↑ Ленинский путь, 25 мая 1936 года
  2. ↑ Ленинский путь, 10 ноября 1936 года
  3. ↑ Республика Калмыкия. Календарь знаменательных и памятных дат на 2022 г. = 2022 җилин ончта өдрмүдин лит / М-во культуры и туризма РК, Национальная библиотека им. А. М. Амур-Санана; сост. В. В. Сангаджиева; ред. О. Е. Аргунова; отв. за изд. Н. И. Каншаева. — Элиста, 2021. — 106, [2] с.
  4. ↑ Улан баhчуд, 23 февраля 1938 г.
  5. ↑ Улан хальмг, 29 октября 1939 г.
  6. ↑ Ленинский путь, 6 мая 1939 г.
  7. ↑ Н. Лиджиев, Современный калмыцкий театр, Элиста, 1975 г., стр. 10
  8. ↑ Советская Калмыкия, 13 марта 1966 г.
  9. ↑ Советская Калмыкия, 12 декабря 1967 г.
  10. ↑ Комсомолец Калмыкии, 22 марта 1969 г.
  11. ↑ Хальмг унн, 25 сентября 1970 г., Советская Калмыкия, 4 ноября 1970 г.
  12. ↑ Советская Калмыкия, 27 ноября 1971 г.
  13. ↑ Советская Калмыкия, 18 января 1974 г.
  14. ↑ Советская Калмыкия, 6 июня 1974 г.
  15. ↑ Советская Калмыкия, 12 марта 1975 г.
  16. ↑ Советская Калмыкия, 19 марта 1977 г.
  17. ↑ Элистинская панорама, № 15 (1795), 1 февраля 2010 г.

Сурвлҗ

Холвас

"https://xal.ruwiki.ru/w/index.php?title=Басңга_Баатрин_нертә_үндсни_драмин_театр&oldid=319804" халхас авсн