Долан өдрин суврһн

Долан өдрин суврһн
	Темдгтә орм
Долан өдрин суврһн
	46°18′29″ с. ш. 44°16′11″ в. д.GЯO
Ормнь	Орсин Холвана Улс;
Местоположение	Элст
	Медиафайлы на РУВИКИ.Медиа

Долан өдрин суврһн, Элст балһсн, Хальмг Таңһч

Маань күрд

Долан өдрин суврһн (орс. Пагода Семи Дней) — Хальмг Таңһчин хотл Элст балһсна төв дундын Ленинә талва деер бәәһә суврһн.

Түүкнь

Хальмг Таңһчин хотл балһсн Элст балһсна делегац Китд улсин Төвдин эврә засх нутгт 2003 җилд одад, хәрәд ирснә дару хальмг архитектор Ахмет Босчаев Элстд китдын улмҗллта суврһ босхх сана зүүв^[1]. Төслән белдәд авч, балһсна Ленинә нертә талваг ясад бәәх цагт урднь Ленинә көшә дүңгәҗ бәәсн ормд өндр сәәхн бурхна суврһ тәвх шиидвр һарв. Ленинә көшәг болхла, талван өмн үзгин булңд нүүлһҗ тәвв^[2].

2005 җилд Ленинә көшә бәәсн һазрт өндртән 15 метр күрм өндр сәәхн китдин майгар босхсн суврһн дүңгәв^[2]. Дотрнь Эндкгт бәәһә төвдин нууц тәрнин Җүдмад киидин гелңгүдин Эндкгт кеһәд авч ирҗ, хальмгудт XIV Дала-ламин 70 насна өөнд болн Элст балһсн үүсснәс 140 җилд зөрүлҗ белглсн маань күрд тәвгдсн бәәнә^[3].

«Долан өдрин суврһиг» Элст балһснд 2005 җилин декабрь сарин 26 өдрт, хальмгудын Зул гидг байрин өдрин үдин цагт нееҗ авв^[4]. Неелтд Хальмг Таңһчин толһач Кирсан Илюмжинов, Шаҗн Лам Тэло Тулку Ринпоче, Балв улсин дааврта элч Нерайя Лал Шрестха болн Дала Ламин элч Таши болн нань чигн гиичнр орлцв. Тер цагт Бурхн багшин сүмин гелңгүдин келсәр, Элстин маань күрд Европд хамгин ик күрд бәәсн бәәҗ^[5].

Тодрхаллтнь

Суврһна нернь мана орчлңд залрҗ ирсн долан Бурхнла болн долан һарг, долан хонгин өдрлә чигн холвата болна^[6]. Бүкл өдрннь 15 метр. Ганҗр гидг нертә суврһна шовһр үзүртә дееркнь орчлңгас һарч, Һаслңгас нөгчх күртхиг темдглҗ бәәнә. Суврһн дотр ик маань күрд бәәнә. Күрдин өргнь 1,2 метр, өндрнь 1,8 метр, җиңгнь 2 һару тонн күрнә. Күрд деер эндкгин келәр, төвд келәр болн хуучн моңһл бичгәр «Ом мани падме хум» гидг тәрнь бичәтә болад^[7], хамг чимг үзглә хамт деегүр нәрхн алтн цаасар алтлшулгдсн бәәнә. Күрд дотр 75 сай маань, тәрнь, Дала Ламин ут насна тәрнь чигн бәәнә^[8].

Галерей

Долан өдрин суврһна дееврнь
Долан өдрин суврһн

Темдглл

Ном-зү

Немичев, И. С., Элиста, путеводитель, Элиста, 2011, стр. 34 — 35, ISBN 978-905562-01-3

[1] Элиста–Лхаса

[Пагода-2] ¹ ² Пагода Семи Дней

[3] Буддийская пагода Семи Дней

[4] Нижнее Поволжье — евразийский перекресток цивилизаций

[5] В Калмыкии теперь самый большой Будда, хурул и кюрде

[6] История появления 7 — ярусной пагоды

[7] Элистинская панорама. Точка на карте

[8] Молитвенный барабан

[1]

[2]

[3]

[4]

[5]

[6]

[7]

[8]